Instalakuntzak

2008. urtearen amaieran Elizondoko Giltxaurdi futbol-zelaia birmoldatzeko lanak hasi ziren. Bertan dagoen belar naturalaren ordez belar artifiziala jarri zen, eta aldageletarako eraikin berria eta aulki-etxola eraiki ziren.

Egungo Giltxaurdi Futbol Zelaiak 100×60 metroko neurriak ditu eta belar naturalekoa da; horrek mantenuan inbertsio handiagoa eskatzen du eta erabilera mugatua dakar. Belar artifizial berriari esker, bailarako futbolariek erabilera-intentsitate handiagoa izango dute, jokoaren kalitatea hobetuz eta, aldi berean, mantentze-lanen eta beste instalazio batzuetako alokairuen kostua murriztuz.

Jarriko den soropila azken belaunaldikoa da, erresistentzia handiko kolore biko 60 milimetro konkaboko monofilamentuekin eta urradura-koefiziente baxuarekin.

Elizondoko Arkilanak arkitekto taldeak diseinatu du proiektua, eta kirol instalazioak hobetzea ekarriko du. Horretarako, egungo aldagelen eraikina eraitsiko da eta beste bat eraikiko da orain dauden lekuaren kontrako aldean.

Aulki-etxola berriak ere izango dira, eta beste ekipamendu bat emango zaio zelaiari. Hala ere, sestra-mailak aldatzen badira, aldatu egin beharko dira jokalekua inguratzen duten zutoinen eta eskudelen baranda osoa, sarbideak eta publikoa jartzeko espazioak.